Profarma Pharmaceutical
Salukeya
SALUKEYA Soya İzoflavones
BİOLOJİ FƏALLIĞA MALİK QİDA ƏLAVƏSİ
TƏRKİBİ
Hər kapsulun tərkibində:
Onaqra yağı (Evening primrose oil 10% GLA 500 mg) 50 mq GLA
Soya (Glycine max L.) İzoflavonlar 40% 35 mq
(40% Isoflavones 35 mg) 87.5 mq
Vitamin E asetat (D-alpha tocopherol 67%) 2.5 mq
Köməkçi maddələr: jelatin (gelatin), qliserin (glycerin), qliserilmonostearat (glycerylmonostearate), qəhvəyi dəmir oksid (brown iron oxide).
XÜSUSİYYƏTLƏRİ
Salukeya Soya izoflavones – tərkibində fitoestrogenlər, polidoymamış yağ turşuları və E vitamini olan kombinə olunmuş vasitədir. Qadın orqanizmində estrogen hormonların çatışmazlığını aradan qaldıran əvəzedici hormonal terapiyanın alternatividir.
Soya izoflavonları (fitoestrogenlər) – quruluşuna görə estradiol ilə oxşar olduğuna görə orqanizmdə estrogenə həssas reseptorlarla birləşib estrogenin funksiyasını həyata keçirir. Buda öz növbəsində yumurtalıqlarda, süd vəzilərində estrogendən asılı törəmələrin (süd vəzisinin bədxassəli şişləri, yoğun bağırsaq və düz bağırsaq xərçəngi) inkişafının qarşısını alır. Soya izoflavonları klimakterik mənşəli psixoemosional və vegetativ-damar
pozğunluqlarının (isti basmaları, baş ağrısı, uşaqlıq yolunun quruluğu, qeyrimüntəzəm
aybaşı, əhval-ruhiyyənin dəyişməsi, ümumi narahatlıq) təzahürünü əhəmiyyətli dərəcədə azaldır. Soya izoflavonları hüceyrə proliferasiyasına, fermentlərin aktivliyinə təsir göstərməklə, həm də antioksidant xassələri sayəsində osteoporozun və ürək-damar xəstəliklərinin inkişaf riskini azaldır.
Onaqra yağı – tərkibində prostaqlandinlərin sələfləri olan külli miqdarda polidoymamış yağ turşuları vardır ki, bunun sayəsində qanda xolesterinin səviyyəsini azaldır. Qan dövranını yaxşılaşdırır, arterial təzyiqi aşağı salır və tromb əmələ gəlmə riskini azaldır. Mərkəzi sinir sistemini sakitləşdirir, nevroz və əsəbilik əlamətlərini aradan qaldırır. Orqanizmin hormonal balansını tənzimləyir.
Tokoferol asetat (E vitamini) – aydın təzahür edən antioksidant xassələri vardır, hem və zülal sintezində hüceyrə proliferasiyasında, toxuma tənəffüsündə iştirak edir. E vitamini eritrositlərin hemolizinin qarşısını alır, kapilyarların kövrəkliyini və keçiriciliyini azaldır. Birləşdirici toxumanın hüceyrəarası maddəsinin, kollagen və elastin liflərinin, damarların saya əzələlərinin formalaşmasını stimulə edir.
İSTİFADƏ SAHƏSİ VƏ ƏSAS GÖSTƏRİŞLƏR
Qadınlarda hormonal balansı tənzimləmək üçün tövsiyə olunan bioloji fəallığa
malik qida əlavəsi.
İSTİFADƏ QAYDALARI VƏ DOZA
Böyüklər 1 kapsul gündə 1 dəfə.
ƏLAVƏ TƏSİRLƏRİ
Allergiya reaksiyalarının baş verməsi mümkündür.
ƏKS GÖSTƏRİŞLƏR
Məhsulun tərkibindəki hər hansı bir komponentə qarşı həssaslıq.
SAXLANMA ŞƏRAİTİ
Otaq temperaturunda, sərin, quru və uşaqların əli çatmayan yerdə saxlamaq lazımdır.
EHTİYYAT TƏDBİRLƏRİ
Xəstəliklərin müalicəsi məqsədi ilə istifadə edilə bilməz. Bioloji fəallığa malik qida əlavəsi normal qidalanmanı əvəz etmir. Hamiləlik və laktasiya dövründə, xəstəlik və ya dərman istifadəsi zamanı həkimlə məsləhətləşin. Uşaqların əli çatmayan yerdə saxlayın.
BURAXILIŞ FORMASI
50 kapsul, plastik flakonda, karton qutu qablaşmada.
DƏRMAN VASİTƏSİ DEYİL.
İSTEHSALÇI
HC CLOVER, Spain
Calle Alicante 8-10,
28500 Arganda del Rey, Madrid
Lisenziya sahibi
Pharminicio, S.L.
C/Aribau 168-170
08036 Barcelona (Spain)