Bayer
Relif rektal şam
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri E.M. Ağayev
04 mart 2020-ci il
Dərman vasitəsinin istifadəsi üzrə təlimat (xəstələr üçün)
RELİF rektal şam
RELIEF®
Beynalxalq patentləşdirilməmış adı: Phenylephrine hydrochloride
Tərkibi
Təsiredici maddə: 1 şamın tərkibində 5 mq fenilefrin hidroxlorid vardır.
Köməkçi maddələr: kakao yağı, qarğıdalı nişastası, metilparahidroksibenzoat (E218), propilparahidroksibenzoat (E216).
Təsviri
Torpedo formasında, ağdan açıq sarıya qədər olan rəngdə, qeyri-şəffaf şamlardır.
Farmakoterapevtik qrupu
Babasilin müalicəsində və anal catlarda yerli istifadə üçün diqər vasitələr.
АТС kodu: С05АХ.
Farmakoloji xüsusiyyətləri
Fenilefrin hidroxlorid alfa-adrenomimetikdir, yerli damardaraldıcı təsir göstərir, bu da anorektal nahiyədə toxumaların şişkinliyinin və eksudasiyanin azalmasına kömək edir.
İstifadəsinə göstərişlər
Simptomatik vasitə kimi babasilin, anal çatların kompleks müalicəsində.
Əks göstərişlər
Preparatın komponentlərinə qarşı həssaslıq, ağır arterial hipertenziya, ürək ritminin taxisistolik pozuntuları, kompensasiya olunmayan ürək catışmazlığı, ürək keciriciliyinin pozuntuları, ağır böyrək və/və ya qara ciyər catışmazlığı, tireotoksikoz, kəskin pankreatit, tromboemboliya (həmcinin əvvəl kecirilmiş), qranulositopeniya, monoaminoksidazanın (MAO) inhibitorları ilə birgə və ya MAO inhibitorları ilə müalicənin bitməsindən sonra 14 gün müddətində istifadə.
Xüsusi ğöstərişlər və ehtiyat tədbirləri
Arterial hipertenziyalı, ürək-damar xəstəlikləri, qalxanvari vəzin xəstəlikləri, bağlıbucaqlı qlaukoma, şəkərli diabet, qaraciyər, mədəaltı vəzi xəstəlikləri, sidik ifrazatı pozuntuları (məs, prostat vəzinin hiperplaziyası) olan pasiyentlər dərman vasitəsini yalnız həkimlə məsləhətləşdikdən sonra istifadə etməli, müalicə zamanı həkim nəzarətində olmalıdırlar.
Preparatı təyin etməzdən əvvəl həkim digər simpatomimetik vasitələrə qarşı allergik reksiyalar daxil olmaqla, allergik anamnez dəqiqləşdirilməlidir.
Qoruyucu plastik örtük zədələndikdə və ya olmadıqda şam istifadə edilməməlidir.
Anal keçiddən bol qanaxmalarda və ya istifadədən sonra terapevtik effekt olmazsa, həkimlə məsləhətləşmək lazımdır.
Tərkibində metilparahidroksibenzonat və propilparahidroksibenzoat oldugundan ləng tipli daxil olmaqla, allergik reaksiyalar baş verə bilər.
Digər dərman vasitələri ilə qarşılıqlı təsiri
Preparat digər damardaraldıcı vasitələrlə (yeritmə üsulundan asılı olmayaraq), eləcə də antihipertenziv dərman vasitələri ilə (ß-adrenoblokatorlarla) eyni zamanda istifadə edilməməlidir. Atropin sulfat, fenilefrinin yaratdığı reflektor bradikardiyanı aradan qaldırır və ona olan vazopressor reaksiyanı artırır. Fenilefrinlə ß-adrenoblokatorların eyni vaxtda qəbulu arterial hipertenziya və ürək blokadası mümkün ola bilən bradikardiyaya gətirə bilər.
Relif dərman vasitəsinin qalxanvari vəzin hormonları ilə, ürək keciriciliyinə təsir edən (ürək qlikozidləri, antiaritmik vasitələr) preparatlarla birgə qəbulu zamanı ehtiyatlı olmaq lazımdır. Kalium ifrazına səbəb olan preparatlarla (məsələn, furosemid kimi diuretiklər) eyni vaxtda qəbulu hipokaliemiyanın artmasına və fenilefrin kimi vazopressor preparatlara həssaslığın azalmasına səbəb ola bilər.
Fenilefrin və digər simpatomimetik preparatlarla birlikdə istifadə mərkəzi sinir sisteminin əlavə stimullaşmasına səbəb ola bilər və bu da oyanıqlıq, əsəbilik, yuxusuzluq, hətta qıcolma tutması ilə müşayiət oluna bilər.
Relif dərman vasitəsini MAO-nun inhibitorları ilə eyni zamanda və ya müalicə bitdikdən sonra 14 gün ərzində istifadə etmək tövsiyə olunmur.
Pediatriyada istifadəsi
12 yaşa qədər uşaqlarda istifadəsi məsləhət görülmür.
Hamiləlik və laktasiya dövründə istifadəsi
Hamiləlik və laktasiya dövründə istifadə etmək məsləhət görülmür.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Sinir sistemi tərəfindən ola bilən əlavə təsirləri nəzərə alaraq, ehtiyatlı olmaq məsləhət görülür.
İstifadə qaydası və dozası
Preparatı qiqiyenik prosedurlardan sonra istifadə etmək lazımdır.
Düz bağırsağa gündə 4 dəfəyə qədər bir şam daxil etməli (səhər, axşam və bağırsağın hər boşalmasından sonra).
Müalicə müddəti xəstəliyin xüsusiyyətlərini, dərman vasitəsinin uygunluğunu və əldə edilən effekti nəzərə alaraq həkim tərəfindən müəyyən edilir.
Əlavə təsirləri
Aşağıdakı əlavə təsirlər ola bilər:
Ürək-damar sisteminə: reflektor bradikardiya, ürək ritminin pozuntuları, arterial təzyiqin artması.
İmmun sistemə: digər simpatomimetik vasitələrə qarşı allergik reaksiyalar, qarşıq tipli reaksiyalar daxil olmaqla hiperhəssaslıq reksiyaları, hansılar ki, dəri səpgiləri, qaşınma, angionevrotik ödem, kontakt dermatiti kimi biruzə verilə bilər.
Sinir sisteminə: başgicəllənmə, əsəbilik, başağrısı, tremor, yuxusuzluq, narahatlıq, istibasma hissi.
Dəri və dərialtı toxumalara: kontakt dermatiti, yanma hissi, dəri səpgiləri, qaşınma, ödem, ağrı, göynəmə.
Əlavə təsirlər (həmcinin təlimatda göstərilməyən) yaranan zaman, dərman vasitəsinin istifadəsini dayandırmaq və həkimə müraciət etmək lazımdır.
Doza həddinin aşılması
Tövsiyə olunmuş doza həddinin aşılması zamanı hiperkaoqulyasiyaya meyillilik yarana bilər.
Doza həddinin aşılması zamanı aşağıdakı pozğunluqlar baş verə bilər: arterial hipertenziya, ürək nahiyəsində ağrı və diskomfort, ürəkdöyünmə, tənəffüs pozğunluqları, qeyri-kardiogen agciyər ödemi, oyanma, qıcolma, yuxu pozuntuları, əsəbilik, qıcıqlanma, hallüsinasiyalı psixozlar, ümumi əsəbilik, anoreksiya, ürəkbulanma, qusma, oliqouriya, sidik ifrazının pozulması, üzun qızarması, ətraflarda soyuqluq hissi, parasteziyalar, hiperqlikemiya, hipokaliemiya, həyatı vacib orqanlara qan axınının azalması, hansi ki, boyrəklərin qan təchizatını pisləşdirir, metabolik asidoz, ümumi periferik müqavimətin artması nəticəsində ürəyin yüklənməsinin artması.
Müalicəsi simptomatikdir.
Buraxılış forması
6 şam stripdə. 2 strip içlik vərəgə ilə birgə karton qutuya qablaşdırılır.
Saxlanma şəraiti
25 °C-dən yuksək olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
2 il.
Yararlıq müddəti bittikdən sonra istifadə etmək olmaz.
Aptekdən buraxılma şərtı
Reseptsiz buraxılır.
İstehsalçı
Bayer Konsumer Keya AG,
Peter Merian-Ştrasse 84, 4052 Basel, İsveçrə.
Qeydiyyat vəsiqəsinin sahibi
Istituto de Angeli S.r.l.,
50066 Reggello (Florensiya), Loc. Prulli 103/с, Italiya.