Bayer

Relif məlhəm

Dərman vasitəsinin istifadəsi üzrə təlimat

(xəstələr üçün)

RELIF rektal məlhəm

RELIEF®

Beynalxalq patentləşdirilməmış adı: Phenylephrine hydrochloride

Tərkibi

Təsiredici maddə: 1 qr məlhəmin tərkibində 2,5 mq fenilefrin hidroxlorid.

Köməkçi maddələr: mineral yağ, vazelin, metilparahidroksibenzoat (Е218), propilparahidroksibenzoat (Е216), susuz lanolin, benzoy turşusu (Е210), qarğıdalı yağı, qliserol, lanolin spirtləri, bərk parafin (58/60), kəklik otu yağı, vitamin E, ağ mum, təmizlənmiş su.

Təsviri

Kənar qarışıqsız zəif qoxulu sarımtıl məlhəm.

Farmakoterapevtik qrupu

Babasilin və anal çatların müalicəsində xaricə istifadə üçün diqər vasitələr.

АТС kodu: С05АХ.

Farmakoloji xüsusiyyətləri

Fenilefrin hidroxlorid alfa-adrenomimetikdir, yerli damardaraldıcı təsir göstərir, anorektal nahiyənin ekssudasiyasını, toxumaların şişginliyini, qaşınmanı azaldır.

İstifadəsinə göstərişlər

Babasilin, anal çatların, anal qaşınmanın müalicəsində simptomatik vasitə kimi.

Əks göstərişlər

Preparatın komponentlərinə qarşı yüksək həssaslıq, ağır arterial hipertenziya, ürək ritminin taxisistolik pozuntuları, kompensasiya olunmayan ürək catışmazlığı, ürək keciriciliyinin pozuntuları, ağır böyrək və/və ya qara ciyər catışmazlığı, tireotoksikoz, kəskin pankreatit, tromboemboliya (həmcinin əvvəl kecirilmiş), qranulositopeniya, (MAO) monoaminooksidazanı inhibə edən preparatlarla və ya MAO-nu inhibə edən preparatlarla müalicənin bitməsindən 14 gün sonra birgə istifadəsi.

Xüsusi ğöstərişlər və ehtiyat tədbirləri

Arterial hipertenziyalı, ürək-damar xəstəlikləri, qalxanvari vəzin xəstəlikləri, qapalıbucaqlı qlaukomalı, şəkərli diabet, qara ciyər, mədəaltı vəzi xəstəlikləri, sidik ifrazatı pozuntuları (məs, prostat vəzinin hiperplaziyası) olan pasientlərdə dərman vasitəsini yalnız həkimlə məsləhətləşdikdən sonra istifadə etməli, müalicə zamanı həkim nəzarətində olmalıdır.

Preparatı təyin etməzdən əvvəl həkim allerqik anamnezi dəqiqləşdirilməlidi, diqər simpatomimetik vasitələrə qarşı allerqik reksiyalar daxil olmaqla.

Anal keçitdən bol qanaxmalarda və ya istifadədən sonra terapevtik effekt olmazsa, həkimlə məsləhətləşmək lazımdır.

Digər dərman vasitələri ilə qarşılıqlı təsiri

Preparat diqər damardaraldıcı vasitələrlə eyni zamanda istifadə edilməməlidir (yeritmə üsulundan asılı olmayaraq), eləcə də antihipertenziv dərman vasitələri ilə (ß-adrenoblokatorlarla). Atropin sulfat, fenilefrin yaradan reflektor bradikardiyanı aradan qaldırır və ona olan vazopressor reaksiyanı artırır. Fenilefrinlə ß-adrenoblokatorların eyni vaxtda qəbulu arterial hipertenziya və ürək blokadası mümkün ola bilən bradikardiyaya gətirə bilər.

Relif dərman vasitəsinin qalxanvari vəzin hormonları ilə, ürək keciriciliyinə təsir edən (ürək qlikozidləri, antiaritmik vasitələr) preparatlarla birgə qəbulunda ehtiyyat etmək lazımdır. Kalium ifrazına səbəb olan preparatlarla (məsələn, furosemid kimi diuretiklər) eyni vaxtda qəbulu hipokaliyemiyanın artmasına və fenilefrin kimi vazopressor preparatlara hissiyyatın azalmasına səbəb ola bilər.

Fenilefrin və digər simpatomimetik preparatlarla birlikdə istifadə mərkəzi sinir sisteminin əlavə stimullaşdırılmasına səbəb ola bilər və bu da oyanıqlıq, əsəbilik, yuxusuzluq, hətta qıcolma tutmaları ilə müşahiyyət ola bilər.

Relif dərman vasitəsini eyni zamanda və ya MAO inhibitorları ilə müalicəni dayandırdıqdan sonra 14 gün ərzində istifadə etməyin.

Hamiləlik və laktasiya dövründə istifadəsi

Hamiləlik və laktasiya dövründə dərman vasitəsinin istifadəsi məsləhət görülmür.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri

Sinir sistemi tərəfindən ola bilən əlavə təsirləri nəzərə alaraq, ehtiyyatlı olmaq məsləhət görülür.

İstifadə qaydası və dozası

Preparat gigiyenik prosedurlardan sonra istifadə etdilməlidir. Applikatorun qoruyucu başlığı çıxardılır. Applikator tuba goşulur və applikatoru yağlamaq üçün bir qədər məlhəm çıxardılır.

Məlhəm gündə 4 dəfəyə qədər (səhər, gecə və hər bağırsaq boşalmasından sonra) zədələnmiş nahiyəyə anal çıxışın xaricinə və ya daxilinə ehtiyatla applikator vasitəsilə sürtülür. Hər istifadədən sonra applikatoru yumaq və qoruyucu başlığa yerləşdirmək lazımdır. 12 yaşa qədər uşaqlarda istifadəsi həkimin göstərişi ilə olmalıdır.

Böyüklərdə və 12 yaşdan yuxarı olan uşaqlarda babasilin özünü müalicəsi üçün istifadə olunan doza gündə 2 mq fenilefrin hidroxlorid (1 q məlhəmdə 2,5 mq fenilefrin hidroxlorid var) keçməməlidir. Həkimin təyini olmadan bu dozadan artıq isyifadə tövsiyə edilmir.

Əlavə təsirləri

Aşağıdakı əlavə təsirlər baş verə bilər:

Ürək-damar sisteminə: reflektor bradikardiya, ürək ritminin pozuntuları, arterial təzyiqin artması.

Immun sistemə: digər simpatomimetik vasitələrə qarşı allerqik reaksiyalar, qarşılıqlı tipli reaksiyalar daxil olmaqla hiperhəssaslıq reksiyaları, hansılar ki dəri səpkiləri, qaşınma, anqionevrotik ödem, kontakt dermatit şəklində göstərə bilər.

Sinir sisteminə: başgicəllənmə, əsəbilik, başağrısı, tremor, yuxusuzluq, narahatlıq, isti basma hissi.

Dəri və dərialtı toxumalara: kontakt dermatit, hiperemiya, dəri səpkiləri, qaşınma, ödem, ağrı, göynəmə.

Əlavə təsirlər barədə məlumatların verilməsi

Əgər istənilməyən reaksiyalar yaranarsa, həkiminizlə məsləhətləşin. Bu tövsiyə, içlik vərəqədə göstərilməyənlər də daxil olmaqla, hər hansı bir istənilməyən reaksiyalara tətbiq edilir. Əlavə təsirlər barədə məlumatları, siz dərmanların səmərəsizliyi barədə məlumatlar da daxil olmaqla əlavə təsirlər haqqında məlumat bazasına bildirə bilərsiniz. Əlavə təsirlır haqqında məlumat verməklə, siz preparatın təhlükəsizliyi haqqında daha ətraflı məlumatın toplanmasına kömək etmiş olursunuz.

Doza həddinin aşılması

Tövsiyyə olunmuş doza həddinin aşılması zamanı hiperkoaqulyasiyaya meyillik yarana bilər.

Doza həddinin aşılması zamanı aşağıdakı pozuntular ola bilər: arterial hipertenziya, ürək nahiyəsində ağrı və diskomfort, ürəkdöyünmə, nəfəs pozuntuları, qeyri-kardioqen ag ciyər ödemi, oyanma, qıcolma, yuxu pozuntuları, əsəbilik, qıcıqlanma, hallusinasiyalı psixozlar, ümumi zəiflik, anoreksiya, ürəkbulanma, qusma, oliqouriya, sidik ifrazının pozulması, üzun qızarması, ətraflarda soyuq hissi, parasteziyalar, hiperqlikemiya, hipokaliemiya, həyatı vacib orqanlara qan axınının azalması, hansiki boyrəklərin qan təchizatını pisləşdirir, metabolik asidoz, ümumi periferik müqavimətin artması nəticəsində ürəyin yüklənməsinin artması. Müalicəsi simptomatikdir.

Buraxılış forması

28,4 q məlhəm tubda. 1 tub applikatorla və içlik vərəgə ilə birgə karton qutuya qablaşdırılır.

Saxlanma şəraiti

25 ºC-dən yuksək olmayan temperaturda və uşaqların əli çatmayan yerdə saxlamaq lazımdır.

Yararlılıq müddəti

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

Ərizəci/İstehsalçı, ünvanı

Bayer Konsumer Keya AG,

Peter Merian-Ştrasse 84, 4052 Basel, İsveçrə

Famar S.A.,
63, Ag. Dimitrou str., 17456 Alimos, Athens, Yunanıstan