Gedeon Richter

Predizin

  Azərbaycan Respublikası

  Səhiyyə Nazirliyi

  Farmakoloji və Farmakopeya

  Ekspert Şurasının tərəfindən

  29.04.2020-ci il tarixdə

  TƏSDİQ EDİLMİŞDIR

Dərman vasitəsinin istifadəsi üzrə təlimat (xəstələr üçün)

PREDİZİN uzunmüddətli təsirə malik örtüklü tabletlər
PREDIZIN®

Beynəlxalq patentləşdirilməmiş adı: Trimetazidine

Tərkibi
Təsiredici maddə: 1 tabletin tərkibində 35 mq trimetazidin dihidroxlorid vardır.

Köməkçi maddələr: mikrokristallik sellüloza, prejelatinləşdirilmiş nişasta, hipromelloza, susuz kolloidal silisium dioksid, maqnezium stearat.

Örtüyü: Opadray II çəhrayı 85G24057 (polivinil spirti – qismən hidrolizə məruz qalmış, talk, titan dioksid, makroqol/PEG 3350, lesitin (soya), qırmızı dəmir oksidi, sarı dəmir oksidi, qara dəmir oksidi).

Təsviri
Girdə, hər iki tərəfi qabarıq, yazısız, çəhrayı rəngli, örtüklü tabletlərdir. Diametri: təxminən 8 mm.

Farmakoterapevtik qrupu

Ürək xəstəliklərinin müalicəsi üçün digər preparatlar.

ATC kodu: C01EB15.

Farmakoloji xüsusiyyətləri

Farmakodinamikası
Təsir mexanizmi

Trimetazidin 3-ketoasil-KoA tiolaza fermentinin uzun zəncirini blokadaya alaraq, yağ turşularının oksidləşməsini inhibə edir və bununla, qlükozanın oksidləşməsi prosesinə stimullaşdırıcı təsir göstərir. Hüceyrələrin işemiyası şəraitində, qlükozanın oksidləşməsi prosesində əldə olunan enerji, yağ turşularının oksidləşməsi prosesinə nisbətən, daha az oksigen sərf olunmasını tələb edir. Qlükoza oksidləşməsinin gücləndirilməsi, hüceyrələrin enerji proseslərini optimallaşdırır və bununla, işemiya şəraitində düzgün energi mübadiləsinin saxlanılmasını təmin edir.

Farmakodinamik effektləri

Trimetazidin hipoksiya vəziyyətində hüceyrələrin enerji metabolizminin qorunub saxlanılması yolu ilə, ATF-in hüceyrədaxili səviyyəsinin aşağı düşməsinin qarşısını alır.

Preparatın işemiyaəleyhinə effektləri, hemodinamik effektlər müşayiət olunmadan əldə edilir.

Klinik effektivliyi və təhlükəsizliyi

Xroniki stenokardiyadan əziyyət çəkən pasiyentlərin iştirakı ilə aparılan klinik tədqiqatlar, monoterapiya şəklində və ya digər antianginal müalicənin kifayət qədər faydası olmadıqda əlavə vasitə şəklində istifadə olunduqda, trimetazidinin effektivliyini və təhlükəsizliyini nümayiş etdirmişdir.

12 həftə müddətində 426 pasiyentin iştirakı ilə aparılan ikiqat kor randomizə olunmuş, plasebo-nəzarətli tədqiqatlarda (TRIMPOL-II), gündə 100 mq dozada (gündə 2 dəfə 50 mq) metoprolol ilə müalicəyə trimetazidin (gündə 60 mq) əlavə olunmuşdur və bu zaman plasebo ilə müqayisədə, yüklənmə test parametrlərinin və klinik simptomların əhəmiyyətli dərəcədə yaxşılaşması müşahidə olunmuşdur. Yüklənmə testinin ümumi davametmə müddəti + 20,1 saniyə, p = 0,023, görülən işin həcmi + 0,54 MET, p = 0,001, ST seqmentin depressiyasının izoxətt səviyyəsindən 1 mm aşağı düşməsinə qədər zaman +33,4 saniyə, p = 0,003, stenokardiya tutmasının davametmə müddəti +33,9 saniyə, p < 0,001, həftə ərzində stenokardiya tutmalarının tezliyi – 0,73, p = 0,014, hemodinamik dəyişikliklər olmadan həftə ərzində sürətli təsirə malik nitratların istifadəsi – 0,63, p = 0,032.

8 həftə müddətində 223 pasiyentin iştirakı ilə aparılan ikiqat kor randomizə olunmuş, plasebo-nəzarətli tədqiqatlarda (Sellier), plasebo ilə müqayisədə, yüklənmə testləri aparılan pasiyentlər yarımqrupunda (n = 173), gündə 50 mq dozada atenolol ilə aparılan müalicəyə əlavə vasitə şəklində 35 mq dozada uzunmüddətli təsirə malik 1 trimetazidin tableti (gündə 2 dəfə) istifadə olunmuşdur və bu zaman, preparatın qəbulundan 12 saat sonra, ST seqmentin depressiyasının izoxətt səviyyəsindən 1 mm aşağı düşməsinə qədər zamanın əhəmiyyətli dərəcədə uzanması (+ 34,4 saniyə, p = 0,03) əldə olunmuşdur. Həmçinin, stenokardiya tutmalarının davametmə müddətində əhəmiyyətli fərq təsdiq olunmuşdur (p=0,049). Qruplar arasında digər ikincili son nəticələr üçün (yüklənmələrin ümumi davametmə müddəti, ümumi iş yükünün həcmi və son klinik nəticələr) statistik əhəmiyyət kəsb edən fərqlər müəyyən edilməmişdir.

3 ay müddətində 1962 pasiyentin iştirakı ilə aparılan ikiqat kor randomizə olunmuş plasebo-nəzarətli tədqiqatlarda (Vasco), plasebo ilə müqayisədə, gündə 50 mq dozada atenolol və trimetazidinin iki dozası (gündə 70 mq və gündə 140 mq) istifadə olunmuşdur. Simptomlar müşahidə olunan və simptomlarsız pasiyentlər daxil olmaqla, ümumi populyasiyada, nə erqometrik (yüklənmənin ümumi davametmə müddəti, ST seqmentin depressiyasının izoxətt səviyyəsindən 1 mm aşağı düşməsinin meydana çıxmasına qədər zaman və stenokardiya tutmasının meydana çıxmasına qədər müddət), nə də klinik nəticələrə görə preparatın istifadəsinin faydası nümayiş etdirilməmişdir. Buna baxmayaraq, simptomlar müşahidə olunan pasiyentlər yarımqrupunda (1574) trimetazidini 140 mq dozada 1 dəfə qəbul etdikdən sonra aparılan analizdə, ümumi yüklənmənin davametmə müddəti (+ 13,1 saniyə plasebo ilə müqayisədə, + 23,8 saniyə, p = 0,001) və stenokardiya tutmasının baş verməsinə qədər müddət (+32,5 saniyə plasebo ilə müqayisədə, + 46,3 saniyə, p = 0,005) əhəmiyyətli dərəcədə yaxşılaşmışdır.

Heyvanlar üzərində aparılan tədqiqatlar

Trimetazidin:
- hipoksiya və işemiya şəraitində ürəyin və baş beyin toxumalarının metabolizminin dəstəklənməsinə kömək edir;
- işemiya nəticəsində müşahidə olunan hüceyrədaxili asidozu və membran ion kanallarının funksional pozğunluqlarını aşağı salır;

- kəskin işemiya zamanı və reperfuziyadan sonra, neytrofil qranulositlərin miqrasiyasını və onların miokard toxumalarına nüfuz etməsini aşağı salır və həmçinin, eksperimental infarktların ölçüsünü aşağı salır;

- hemodinamikaya birbaşa təsir göstərmədən, təsir edir.

Pasiyentlərin iştirakı ilə aparılan tədqiqatlar

Stenokardiyadan əziyyət çəkən pasiyentlərin iştirakı ilə aparılan nəzarət olunan tədqiqatlarda, trimetazidin aşağıdakı effektləri nümayiş etdirmişdir:

- müalicənin 15-ci günündən sonra, gərginlik stenokardiyası tutmalarının baş verməsini yubadır;

- stenokardiya tutmalarının tezliyinin aşağı düşməsi;

- nitratların dozalarının əhəmiyyətli dərəcədə aşağı salınması;

- işemiya zamanı sol mədəcik funksiyasının yaxşılaşdırılması;

- hemodinamikaya birbaşa təsir göstərmədən təsir göstərir.

Farmakokinetikası
Absorbsiyası
Daxilə qəbul edildikdən sonra trimetazidin sürətlə absorbsiya olunur və qan plazmasında preparatın maksimal konsentrasiyası təxminən 5 saatdan sonra əldə olunur. 24 saatdan artıq müddət ərzində qan plazmasında konsentrasiyası, 11 saatdan sonra təyin edilən 75 %-dən çox olmayan konsentrasiya səviyyəsində qalır. 60 saatdan sonra tarazlıq vəziyyəti əldə olunur. Qida qəbulu preparatın farmakokinetik xassələrinə təsir göstərmir.

Paylanması
Paylanma həcmi 4,8 (l/kq-1) təşkil edir ki, bu da preparatın toxumalara yaxşı diffuziyasını izah edir (zülallarla birləşmə dərəcəsi kifayət qədər aşağıdır, in vitro şəraitdə təxminən 16 % təşkil edir).

Xaricolması
Trimetazidin orqanizmdən əsasən böyrəklər vasitəsi ilə və əsasən, dəyişilməmiş şəkildə xaric olunur. Yarımxaricolma dövrü təxminən 7 saat, 65 yaşdan yuxarı pasiyentlərdə - təxminən 12 saat təşkil edir.
Xüsusi pasiyent qruplarında farmakokinetikası

Trimetazidinin böyrək klirensi kreatinin klirensi ilə düz korrelyasiya olunur, qaraciyər kilrensi yaşla əlaqəli aşağı düşür. Qeyd olunmuşdur ki, yaşlı pasiyentlərdə sutkalıq doza gündə iki dəfə qəbul edilən 2 tablet olduqda, qan plazmasında ekspozisiyanın artması, hər hansı şiddətli effektin baş verməsinə gətirib çıxarmır.

İstifadəsinə göstərişlər

Kardiologiya
Trimetazidinin istifadəsi, tutmalarına qeyri-adekvat nəzarət olunan və ya birinci xətt antianginal müalicəyə qarşı dözümsüzlük nümayiş etdirən stabil stenokardiyadan əziyyət çəkən yetkin yaşlı pasiyentlərin profilaktikası və əlavə simptomatik müalicəsi üçün göstərişdir.

Əks göstərişlər

- Preparatın tərkibində olan hər hansı komponentə qarşı yüksək həssaslıq;

- hamiləlik dövrü;

- laktasiya dövrü;

- 18 yaşa qədər uşaqlar (effektivliyi və təhlükəsizliyi müəyyən edilməmişdir);

- Parkinson xəstəliyi, parkinsonizm simptomları, tremor, narahat ayaqlar sindromu və digər oxşar hərəki pozğunluqlar;
- ağır dərəcəli böyrək çatışmazlığı (kreatinin klirensi < 30 ml/dəqiqədə).

Xüsusi göstərişlər və ehtiyat tədbirləri

Trimetazidin parkinsonizm simptomlarının (tremor, akineziya, əzələ rigidliyi) meydana çıxmasına və ya mövcud simptomların pisləşməsinə səbəb ola bilər; bu simptomlara, xüsusilə yaşlı pasiyentlərdə müntəzəm nəzarət etmək lazımdır. Şübhə doğuran hallarda, müvafiq müayinələrin aparılması üçün, pasiyentləri nevropatoloqa yönəltmək lazımdır. Parkinsonizm simptomları, narahat ayaqlar sindromu, tremor, yerişin pozulması kimi hərəki pozğunluqların meydana çıxması, trimetazidinin istifadəsinin tamamilə dayandırılmasına gətirib çıxarmalıdır.

Göstərilən simptomlar nadir hallarda meydana çıxır və adətən, müalicə dayandırıldıqdan sonra aradan qalxırlar. Trimetazidinin istifadəsi dayandırıldıqdan sonra, pasiyentlərin əksəriyyətində hərəkət 4 ay müddətində bərpa olunur. Preparatın istifadəsi dayandırıldıqdan sonra, parkinsonizm simptomları 4 aydan artıq müddət ərzində saxlanıldığı halda, məsləhət almaq üçün nevropatoloqa müraciət etmək vacibdir.
Yerişin pozulması və ya arterial hipotenziya ilə əlaqəli, xüsusilə antihipertenziv müalicə qəbul edən pasiyentlərdə yıxılmalar baş verə bilər (“Əlavə təsirləri” bölməsinə bax).

Qan plazmasında ekspozisiyanın yüksəlməsi ehtimal olunan pasiyentlərə trimetazidini çox ehtiyatla təyin etmək lazımdır:

- orta dərəcəli böyrək çatışmazlığından əziyyət çəkən pasiyentlər (“İstifadə qaydası və dozası” və “Farmakokinetikası” bölmələrinə bax);

- 75 yaşdan yuxarı yaşlı pasiyentlər (“İstifadə qaydası və dozası” bölməsinə bax).

Ağır dərəcəli qaraciyər çatışmazlığından əziyyət çəkən pasiyentlərdə klinik təcrübənin olmamasını nəzərə alaraq, preparatın istifadəsi tövsiyə olunmur.

Trimetazidin dihidroxlorid 35 mq uzunmüddətli təsirə malik tabletlərin istifadəsi, qeyri-stabil stenokardiya tutmalarının müalicəsi üçün göstəriş deyil və qeyri-stabil stenokardiyanın və ya miokard infarktının müalicəsi üçün ilk seçim preparatı deyil. Prehospital mərhələdə və ya hospitalizasiyanın ilk günlərində preparatı istifadə etmək olmaz. Qeyri-stabil stenokardiya tutması baş verdiyi halda, diaqnozu təkrar nəzərdən keçirmək və müalicəni korreksiya etmək lazımdır (müalicə və zərurət yarandıqda, revaskulyarizasiya).
Uzunmüddətli təsirə malik tabletlərin tərkibində soya lesitini vardır və bu səbəbdən, soya bitkisinə qarşı allergiya müşahidə olunan pasiyentlərə göstərilən preparatı istifadə etmək olmaz. Klinik məlumatların olmamasını nəzərə alaraq, kreatinin klirensi 15 ml/dəqiqədən aşağı olan böyrək çatışmazlığından əziyyət çəkən pasiyentlərə və həmçinin, qaraciyər funksiyalarının ağır dərəcəli pozğunluqlarından əziyyət çəkən pasiyentlərə Predizin preparatını təyin etmək tövsiyə olunmur. Ürək-damar mənşəli kəskin stenokardiyanın müalicəsi üçün Predizin preparatını təyin etmək olmaz.

Digər dərman vasitələri ilə qarşılıqlı təsiri

Trimetazidinin, o cümlədən yaşlı pasiyentlərin iştirakı ilə klinik sınaqları zamanı, digər dərman preparatları ilə qarşılıqlı təsirləri aşkar edilməmişdir.

Hamiləlik və laktasiya dövründə istifadəsi

Hamiləlik dövrü

Hamiləlik dövründə trimetazidinin istifadəsinin təhlükəsizliyi barədə heç bir məlumatın olmadığını nəzərə alaraq, hamiləlik dövründə preparatın istifadəsindən imtina etmək lazımdır.

Laktasiya dövrü

Trimetazidinin ana südünə nüfuz etməsi məlumdur. Laktasiya dövründə preparatın istifadəsi üçün zərurət yaranarsa, ana südü ilə qidalanmanı dayandırmaq tövsiyə olunur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Klinik tədqiqatlarda preparatın hemodinamikaya heç bir təsiri aşkar edilməmişdir, lakin, postmarketinq dövründə başgicəllənmə və yuxuya meyillilik halları müşahidə olunmuşdur ki, bu da nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir göstərə bilər.

İstifadə qaydası və dozası

Preparat daxilə, gündə 2 dəfə səhər və axşam, yemək zamanı 35 mq dozada bir tablet təyin olunur.
Dozalanması
Böyüklər: gündə 2 dəfə yemək zamanı 35 mq dozada 1 tablet trimetazidin.

Xüsusi pasiyent qrupları

Böyrək çatışmazlığından əziyyət çəkən pasiyentlərdə istifadəsi

Orta dərəcəli (kreatinin klirensi 30-60 ml/dəqiqədə) böyrək çatışmazlığından əziyyət çəkən pasiyentlər üçün preparatın tövsiyə olunan dozası, hər səhər yemək zamanı 35 mq dozada 1 tablet təşkil edir (“Xüsusi göstərişlər və ehtiyat tədbirləri” və “Farmakokinetikası” bölmələrinə bax).

Yaşlı pasiyentlərdə istifadəsi

Yaşlı pasiyentlərdə böyrək funksiyalarının yaşla əlaqəli aşağı düşməsini nəzərə alaraq, trimetazidin orqanizmdən daha ləng xaric olunur (“Farmakokinetikası” bölməsinə bax). Orta dərəcəli (kreatinin klirensi 30-60 ml/dəqiqədə) böyrək çatışmazlığından əziyyət çəkən pasiyentlər üçün preparatın tövsiyə olunan dozası, hər səhər yemək zamanı 35 mq dozada 1 tablet təşkil edir.

Yaşlı pasiyentlərdə dozanın titrlənməsini xüsusi ehtiyatla həyata keçirmək lazımdır.

Uşaq yaşlı pasiyentlərdə istifadəsi

18 yaşa qədər uşaqlarda trimetazidinin təhlükəsizliyi və effektivliyi müəyyən edilməmişdir. Heç bir etibarlı məlumat yoxdur.

Əlavə təsirləri

Həzm sistemində baş verən pozğunluqlar: nadir hallarda – ürəkbulanma, qusma.

Mərkəzi sinir sistemində baş verən pozğunluqlar: preparatın istifadəsi nəticəsində meydana çıxan geri dönən parkinsonizm və həmçinin, Parkinson xəstəliyindən və ya Levi cismcikləri ilə demensiyadan əziyyət çəkən pasiyentlərin vəziyyətlərinin pisləşməsi barədə müxtəlif məlumatlar mövcuddur (tezlik müəyyən olunmayıb).
Trimetazidinin istifadəsi nəticəsində meydana çıxan mümkün əlavə təsirlər, orqan sistemlərinə və baş vermə tezıiyinə əsasən, aşağıdakı cədvəldə göstərildiyi kimi təsnif olunmuşdur (tək-tək hallar nəzərə alınmadan). Əlavə təsirlərin tezlik dərəcəsi aşağıda göstərildiyi kimi olmuşdur: çox tez-tez (> 1/10), tez-tez (> 1/100 və < 1/10), bəzən (>1/1000 və < 1/100), nadir halarda (> 1/10000 və < 1/1000), çox nadir hallarda (< 1/10000), tək-tək məlumatlar daxil olmaqla.

Doza həddinin aşılması

Doza həddinin ehtimal olunan aşılması barədə məhdud məlumatlar mövcuddur. Simptomatik müalicə təyin olunmalıdır.

Buraxılış forması

10 tablet, PVX/PVDX örtüklü və alüminium folqa blisterdə.

6 blister içlik vərəqə ilə birlikdə karton qutuya qablaşdırılır.

Saxlanma şəraiti

25 °C-dən yuxarı olmayan temperaturda, nəmdən qorunmaq üçün orijinal qablaşdırmada və uşaqların əli çatmayan yerdə saxlamaq lazımdır.

Yararlılıq müddəti

3 il.

Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

"Gedeon Richter Poland" MMC, Qrodzisk Mazovetskiy, Polşa

“Gedeon Richter” ASC üçün, Budapeşt, Macarıstan.

İstehsalçının və ərizəçinin maraqlarını təmsil edən şirkət

“Gedeon Richter” ASC

1103 Budapeşt, Demreyi küç., 19-21, Macarıstan

Qaynar xətt (zəng ödənişsizdir): 7-800-555-00777

Elektron ünvan: [email protected]